.png)
Është austriaku Dominik Thiem ai që do të sfidojë Novak Gjokoviçin në finalen e “Australian Open”. Tenisti 26-vjeçar mundi për më shumë se tri orë e gjysmë Aleksandër Zverev në një ndeshje me shumë rivalitet, 3-6, 6-4, 7-6, 7-6.
Zverv fitoi setin e parë 6-3 dhe u duk një fillim i mirë për të shkuar në finale, por më pas Thiem reagoi fuqishëm. Ai fitoi setin e dytë 6-4, ndërsa dy setet e fundit i fitoi me “tie-break”, 7-6. Është mbyllur kështu 3-1 në favor të austriakut gjysmëfinalja e dytë e turneut australian.
Dominik Thiem shkon për herë të tretë në karrierë në një finale “Slam” dhe i dërgon një mesazh të qartë serbit Gjokoviç se nuk do ta ketë të lehtë. Në çerekfinale Thiem kishte eliminuar spanjollin Rafael Nadal, ndërsa Gjokoviç ishte finalisti i parë, pasi mundi në gjysmëfinale Federerin 3-0. Finalja do të zhvillohet ditën e diel.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
