.png)
Një betejë vërtet epike mes numrit 1 dhe numrit 3 në botë, ku austriaku shfrytëzon një “match point” në setin e dytë dhe në “tie break”-un e setit të tretë përmbys gjithçka kur ishte 0-4. Thierm ka fituar 2-1 (7-5 6-7, 7-6), duke u kualifikuar në finale, ashtu si vitin e kaluar, dhe do të ndeshet me njërin mes Nadalit dhe Medvedevit.
Ishte një nga ndeshjet më të bukura dhe me ritëm më të lartë të sezonit, që në fund ka çuar në finale austriakun Dominik Thiem. Një ndeshje e çmendur ndaj Novak Gjokoviçit, numrit 1 të botës, që u mbyll pas 2 orë e 54 minutash. Ishte ndeshja e 12-të mes këtyre tenistësve, ku serbi vazhdon të udhëheqë 7-5.
Setet kanë qenë të ekuilibruar, por austrikau ka qenë më i përqendruar. Pas 51 minutash Thiem fitoi setin e parë 7-5. Të dy tenistët kanë dhuruar një lojë të një niveli shumë të lartë. “Nole” ia del më shumë vështirësi në setin e dytë të barazojë, duke e çuar ndeshjen në setin e tretë, ku rivalitetit gjithashtu mbetet shumë i ashpër.
Në një moment Gjokoviç merr kontrollin, duke shkuar në 0-4, por Thiem reziston dhe barazon 4-4 e më pas shkon 6-4 dhe “match point” i dyfishtë. “Nole” anulon të parin, por austrikau shënon pastaj pikën më të rëndësishme dhe mbyll ndeshjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
