.png)
Gazeta Si- Në një operacion i suksesshëm kundër kultivimit të bimëve narkotike në qarkun e Shkodrës, polici ka zbuluar disa parcela të reja me bimë narkotike, në fshatrat e njësive administrative Pult dhe Shalë, të cilat ishin mbjellë në zona të pyllëzuara.
Nga verifikimet rezultoi se bëhej fjalë për 3561 bimë cannabisi të cilat u asgjësuan nga forcat e policisë.
Deri në këto momente nuk ka asnjë person të ndaluar për këto parcela me kanabis, teksa vijon puna për identifikimin e autorëve.
Më herët, policia arrestoi një 61-vjeçar në Kurbin, P.Gj., pasi kishte kultivuar në një sipërfaqe toke të mbjellë më misër, rreth 900 bimë kanabis.
Gjithashtu mësohet se 61-vjeçari kishte krijuar lidhje të paligjshme të energjisë elektrike për të furnizuar sistemin e vaditjes së bimëve narkotike. Për pasojë, është arrestuar kultivuesi, si dhe janë asgjësuar përmes djegies bimët narkotike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
