Gazeta Si - Një punonjës policie në Tiranë, me iniciale R.P., 25 vjeç, është arrestuar nga Agjencia e Mbikëqyrjes Policore (Ish-SHÇBA) më 13 shkurt, pasi dyshohet se kishte nxitur një të mitur që të kryente vjedhje.
Hetimi nisi pas denoncimit të një gruaje me iniciale G.M., e cila më 12 shkurt kallëzoi se i ishte vjedhur një send personal në rrugën “Brigada VIII” në Tiranë.
Gjatë hetimeve, u zbulua se ky send personal gjendej në makinën “Opel Corsa” të policit të Komisariatit Nr.2.
Agjentët ndaluan kolegun e tyre R.P., me dyshimin se kishte nxitur të miturin E.K., që të vidhte sendin personal të denoncueses.
Polici u arrestua për veprat penale të “Vjedhjes” e kryer në bashkëpunim, “Shtytja e të miturve në krim” dhe “Përgjegjësia e bashkëpunëtorëve”. Ndërsa i mituri u procedua penalisht në gjendje të lirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.