.png)
Gazeta Si – Samir Rosales Rodriguez, i njohur si “kimisti”, është arrestuar në Kolumbi, i dyshuar si pjesë e grupit që transportonte dhe përpunonte kokainë në banesën e ish-kreut të Komunës në Frakull të Fierit, Viktor Çervanakut.
Sipas mediave kolumbiane, thuhet se policia koordinoi veprimet së bashku me zyrat kombëtare të Interpolit në Kolumbi, Ekuador dhe Shqipëri.
Arrestimi, i kryer pas një njoftimi të kuq të Interpolit, nxjerr në pah shtrirjen transnacionale të operacioneve kriminale të lidhura me Kartelin e Ballkanit.
Sipas informacionit të dhënë nga drejtori i Policisë Kombëtare në llogarinë e tij në X, Rosales, me kombësi kolumbiane, ishte i specializuar në drejtimin e punëve teknike për nxjerrjen e kokainës në Evropë, duke përdorur metoda të destinuara për të fshehur substancën mes produkteve të ndryshme.
¡𝗖𝗔𝗬𝗢́ ‘𝗘𝗟 𝗤𝗨𝗜́𝗠𝗜𝗖𝗢’ 𝗗𝗘 𝗟𝗔 𝗠𝗔𝗙𝗜𝗔 𝗗𝗘 𝗟𝗢𝗦 𝗕𝗔𝗟𝗖𝗔𝗡𝗘𝗦! En Bogotá, en desarrollo de la ofensiva contra el multicrimen y el delito, la @PoliciaColombia, en coordinación entre las Oficinas Centrales Nacionales de @INTERPOL_HQ de Colombia, Ecuador y… pic.twitter.com/NWYpba9JHl
— Mayor general Carlos Fernando Triana Beltrán (@DirectorPolicia) September 3, 2025
Grupi kriminal i laboratorit të kokainës në Frakull akuzohet për trafikimin e 485 kg lënde narkotike të fshehur në plehun kimik.
Në këtë grup kriminal ishte i përfshirë ish-kreu i komunës Frakull, Viktor Çervanaku (deri në 2021 i punësuar si drejtor pranë OST) si dhe familjarët, si i biri, i vëllai dhe e dashura e djalit të tij.
Laboratori i drogës u zbulua në nëntor të vitit 2022 gjatë një operacioni ku morën pjesë DEA, SPAK dhe policia malazeze.
Operacioni çoi në zbulimin e rreth 430 kg kokainë, të fshehur në 20 paleta me 24 ton pleh artificial, që janë porositur në Kolumbi nga Zenel Çervanaku dhe kanë zbarkuar fillimisht në portin e Tivarit, në Mal të Zi.
Droga u pikas fillimisht nga autoritetet malazeze me sinjalizim të DEA-s amerikane ndërsa për ekstraktimin e lëndës narkotike grupi kriminal kishte kontraktuar 2 kimist kolumbië.
Në 30 dhjetor 2024, Gjykata e Apelit të Posaçëm ka lë lënë në fuqi vendimin e Shkallës së Parë, që dënoi me 90 vite burg grupin prej 10 personash të akuzuar për sasinë prej 485 kg kokainë në Frakull të Fierit.
Për vendimet e dhëna, është aplikuar për të gjithë të pandehurit ulja në masën e 1/3 së dënimit, për shkak të gjykimit të shkurtuar.
Personat e dënuar
Viktor Cervanaku – 15 vite – 10 vite me gjykim të shkurtuar
Enxhi Ferhati – 12 vite – 8 vite me gjykim të shkurtuar
Klajdi Kodra – 17 vite – 11.4 vite me gjykim të shkurtuar
Bledar Matoshi – 12 vite – 8 vite me gjykim të shkurtuar
Denilson Çervanaku – 17 vite – 11.4 vite me gjykim të shkurtuar
Zenel Çervanaku – 14 vite – 9.4 vite me gjykim të shkurtuar
Redion Meshi – 14 vite – 9.4 vite me gjykim të shkurtuar
Julian Malaj – 3 vite – 2 vite me gjykim te shkurtuar për moskallëzim krimi, lirohet menjeherë
Marildo Rona – 12 vite – 8 vite me gjykim të shkurtuar
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
