.png)
Gazeta Si - Një punonjës i Gardës së Republikës me inicialet A.LL., 49 vjeç, me detyrë Trupë Shërbimi, u arrestua pasi ka shkaktuar një aksident me automjetin e tij dhe është larguar nga vendi i ngjarjes.
Sipas AMP-së, arrestimi u krye pasi rreth orës 20:00 të së martës, ku 49-vjeçari, duke udhëtuar me automjetin e tij në vendin e quajtur Kryqëzimi i Porcelanit, ka dëmtuar tre automjete të parkuara dhe është larguar nga vendi i ngjarjes.
Pasi është kapur, gardisti është shoqëruar në Komisariatin e Policisë Nr. 4, ku nga veprimet proceduriale ka rezultuar nën efektin e alkoolit.
Materialet u referuan në Prokurorinë pranë Gjykatës së Shkallës së Parë të Juridiksionit të Përgjithshëm Tiranë për veprat penale “Drejtimi i automjetit nën ndikimin e alkoolit” dhe “Largim nga vendi aksidentit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
