Arrestohet 41-vjeçari në Vorë, i sekuestrohet një kallashnikov, një pushkë dhe municione

Nga Gazeta Si - Policia e Tiranës ka arrestuar një 41-vjeçar me banim në Vorë, pasi, bazuar dhe në informacionet e marra në rrugë operative, mbante armë zjarri në banesë.

Në pranga përfundoi A. M., të cilit, gjatë kontrollit në banesë, shërbimet e Policisë i gjetën dhe sekuestruan, në cilësinë e provës materiale, një armë zjarri kallashnikov, një armë zjarri pushkë, dy krehra dhe municion luftarak.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

Ai akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”. Ai ishte i dënuar më parë për të njëjtën vepër penale, si dhe për dhunë në familje.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.