.png)
Dy punonjës të burgut të Reçit në Shkodër, të cilët dy ditë më parë u denoncuan për korrupsion nga emisioni investigativ ‘Stop’, janë arrestuar këtë të enjte.
Sipas policisë, në pranga kanë rënë Arnaldo Hoxha dhe Mario Laloshi, të dy me funksionin specialist-psikolog në sektorin e çështjeve shoqërore.
Hoxha dhe Laloshi u filmuan duke marrë para në këmbim të disa shërbimeve. Hoxha mori 20 mijë lekë në këmbim të ndikimit të tij në raport-vlerësimin e sjelljes së të burgosurve.
Ndërsa Laloshi ishte përgjegjës për kontaktet e të burgosurve me familjarët. Të dy u pezulluan nga detyra menjëherë pas denoncimit, ndërsa ditën e sotme janë arrestuar nga Shërbimi i Brendshëm i Burgjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
