Arma me të cilën mendohet se Vincent Van Gog ka vrarë veten është shitur për 162,500 euro, gati tre herë më shumë se sa pritej. Revolja e ndryshkur u ble nga një koleksionist nëpërmjet telefonit.
Arma është gjetur nga një fermer në vitin 1965 pranë fshatit ku artisti i kaloi ditët e tij të fundit. Megjithatë, gjithnjë janë ngritur dyshime për vërtetësinë e armës. Më 27 korrik 1980, artisti holandez hyri në një fushë pranë Auvers-sur-Oise, një fshat në veri të Parisit dhe u qëllua në gjoks. Më shumë se shtatë dekada më vonë, kjo armë u gjet pranë vilës ku ai qëndroi dhe ekspertët treguan se pistoleta mund të kishte 50-80 vjet që qëndronte aty. Por, gjithnjë ka pasur dyshime nëse arma e mbajtur në Muzeun Van Gog në Amsterdam, ishte arma që përdori artisti për të vrarë veten.
Instituti "Van Gog", një organizatë jofitimprurëse i krijuar në vitin 1987, i cili vazhdimisht kanë mbikëqyrur shtëpinë ku artisti kaloi ditët e tij të fundit, e kritikuan ankandin.
“Asgjë nuk tregon që mbetjet e armës janë të lidhura zyrtarisht me vdekjen Van Gogut,” thuhet në një deklaratë, duke përgënjeshtruar "komercializmin e një tragjedie që meriton shumë respekt".
Ndërkohë që organizatorët e ankandit, kanë pranuar se nuk ishte e garantuar se arma ishte e njëjta, por tha se tatat përputheshin.
“Testet teknike mbi armë kanë treguar se arma është përdorur dhe tregojnë se ka qëndruar në tokë të njëjtën periudhë me kohën kur u vra Van Gogu. Të gjitha të dhënat tregojnë se kjo është arma e përdorur në vetëvrasje,” janë shprehur ata.
Ndër të tjera ata janë shprehur se një ankand i tillë gjithnjë ka pasur idenë të suprizojë njerëzit, për të marrë sende me vlerë të cilat mund të jenë shumë të pëlqyera për ta. Edhe, në vitin 2013 ku u krye fillimisht një ankand i tillë, u shitën sende të tjera të çuditshme.
Një fetë tortë nga dasma e Mbretëreshës
Një copë tortë nga dasma e Mbretëreshës Elizabeta II dhe Dukës së Edinburgut, u shit për 672 paundë në vitin 2013.
Unaza e martesës prej ari, e Lee Harvey Oswald
Unaza që i përkiste njeriut që vrau presidentin John F Kennedy dhe u shit për 118.000 dollarë në 2013.
Violina e Titanikut
Në vitin 2013, violina e cila u përdor për të lëshuar tinguj qetësues për pasagjerët e Titanikut, ndërsa po mbytej, u shit për 900,000 paundq vetëm për 10 minuta. Në atë kohë violina u përdor për herë të fundit nga lideri i grupit “Wallace Hartley”, i cili vdiq së bashku me njerëzit e tjerë në anije. /BBC/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.