.png)
Gazeta Si - Apeli i GJKKO-së ka lënë në burg ish-ministrin e Mjedisit Lefter Koka, i cili kishte kërkuar ndryshimin e masës së caktuar më herët ndaj tij nga Gjykata e Posaçme, e cila ka vendosur që Koka të hetohet ende nën masën “arrest me burg” lidhur me dosjen e inceneratorëve.
Koka kërkoi ndryshim mase me argumentin se vuan nga probleme të shëndetit mendor.
Sipas dosjes hetimore, rreth 150 milionë lekë, janë përvetësuar nga ish-ministri, i cili aktualisht ndodhet pas hekurave për aferën korruptive të inceneratorit të Elbasanit dhe Fierit.
SPAK akuzon ish-zyrtarin e lartë se për favorizim të kompanive fituese për inceneratorët. Kompania që ka fituar koncesionin e Fierit, "Integrated Technology Waste Treatment Energy" dhe kompania tjetër që ka zbatuar punimet për ndërtimin e inceneratorit të Fierit, "Integrated Technology Services", kanë qarkulluar fatura fiktive tatimore për punime, që në fakt sipas SPAK, nuk janë kryer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
