.png)
Qeveria ka anuluar një vendim të marrë në vitin 2014, sipas të cilit godina e Fakultetit të Gjeologji-Minierës, vendosur në kodrat e Liqenit Artifical i kalonte Ministrisë së Drejtësisë ku do të vendosej Gjykata e Lartë.
Vendimi pasoi protesta të forta të studentëve dhe pedagogëve të këtij fakultetit, të cilët u tubuan për disa ditë para godinës së Kryeministrisë për të kërkuar anulimin e tij.
Kryeministri Edi Rama priti në atë kohë një përfaqësi të pedagogëve dhe studentëve, të cilët në fund të takimit u shprehën se kishin marrë zotimin e kreut të Qeverisë për ta anuluar vendimin. Por, vendimi as u anulua dhe as u çua përpara.
Megjithëse VKM-ja në fjalë kishte hyrë në fuqi që në 2014, godina vazhdonte të shfrytëzohej nga Fakulteti i Gjeologjisë dhe Minierës i Universitetit Politeknik të Tiranës. Çështja u rikthye në qendër të vëmendjes gjatë protestës studentore të fundit të vitit të kaluar, kur pedagogët dhe studentët e këtij fakulteti ringritën shqetësimin e tyre mes kërkesave të studentëve të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
