.png)
Gazeta Si - Të paktën 8 emigrantë, përfshirë 6 të mitur, kanë humbur jetën, pasi një gomone me të cilën po udhëtonin u mbyt në detin Egje pranë ishullit grek të Samos.
Lajmi u raportua nga Roja Bregdetare, e cila gjeti 8 trupat, duke përfshirë dy gra, gjatë një operacioni kërkim-shpëtimi për emigrantët.
Deri më tani, 36 persona janë shpëtuar, ndërsa tre të tjerë janë gjetur në një bregdet shkëmbor të ishullit.
Vlerësohet se në bordin e anijes ndodheshin gjithsej 50 persona. Në zonën e kërkimit po fryjnë erëra të forta.
Vazhdojnë operacionet e shpëtimit në veri të ishullit, në Detin Egje lindor, pranë bregut turk, nga ku knë lundruar shumë varka me emigrantë që përpiqeshin të hynin në Bashkimin Evropian.
Që nga fillimi i vitit, Greqia ka regjistruar një rritje prej 25% të numrit të njerëzve që ikin nga lufta dhe varfëria dhe një rritje prej 30% në fluksin e njerëzve në arkipelagun Dodekanez dhe Detin Egje juglindor, siç raportohet nga Ministria e Emigrcionit në fillim të nëntorit.
“Jug-lindja e Egjeut dhe ishulli i Rodosit po përjetojnë aktualisht presion migrator,” pranoi ministri Nikos Panagiotopoulos, duke siguruar se kjo rritje nuk lidhet realisht me konfliktet në Lindjen e Mesme.
Anijet e mbytura janë të shumta dhe vdekjeprurëse. Në fillim të nëntorit, katër emigrantë vdiqën në brigjet e Rodosit dhe në fund të tetorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
