Në “United Center” të Chicago u luajt All Star Game 2020, që përkon me edicionin e 69-të të sfidës mes më të mirëve të NBA. Skuadra e LeBron James përballë ekipit të Giannis Antetokounmpo. Një përballje emocionuese, e fituar 157-155 nga formacioni i Lebron, duke fituar trofeun që këtë vit iu kushtua Kobe Brayant, legjendës që u nda nga jeta së bashku me të bijën në aksidentin fatal të 26 janarit.
Sfida nisi në shenjën e Giannis Antetokounmpo, që shënoi pikët e parë, me skuadrën e tij që mori kryesimin duke shkuar deri +11, por duke përmirësuar lojën mbrojtëse dhe falë gjuajtjeve të lira të Anthony Davies, skuadra e LeBron arriti ta rikuperonte diferencën.
Perioda e katërt dhe e fundit nuk kishte kronometër, formati i ri i propozuar nga organizatorët në mënyrë që fitues të shpallej skuadra që arrinte e para kuotën e 24 pikëve, në shenjë nderimi për numrin që mbajti veshur legjenda Bryant. Skuadra e LeBron James mbajtën veshur fanellën me numrin 2, atë që mbante pas shpine edhe vajza e ndjerë e Kobe.
Kawhi Leonard u shpall lojtari më i mirë i ndeshjes me 30 pikë të shënuara, ndërsa kapitenët e të dy skuadrave përkatësisht Giannis dhe James shënuan 25 dhe 23 pikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.