.png)
Aleanca për Mbrojtjen e Teatrit ka akuzuar Ministrinë e Kulturës se ka urdhëruar zbrazjen e godinës së Teatrit Kombëtar.
Aleanca ka publikuar në profilin e saj në “Facebook” disa foto ku sipas tyre po tentohet që të nxirren jashtë sendet që ndodhen brenda godinës së Teatrit Kombëtar.
Ata vijojnë më tej duke thënë se kjo është vepër e kryeministrit dhe kryebashkiakut.
“Sot në mëngjes, Ministria e Kulturës ka urdhëruar zbrazjen e godinës së Teatrit Kombëtar.
Duket se dyshja Rama-Veliaj po hedhin hapat e parë konkret për shembjen e kompleksit teatror dhe grabitjes së truallit publik”, shprehet Alenca në “Facebook”.
Në postim, Aleanca rithekson edhe njëherë qëndrimin e saj për mosshembjen e Teatrit Kombëtar.
“Aleanca për Mbrojtjen e Teatrit e ka deklaruar prej kohësh qëndrimin e saj të prerë në lidhje më këto hapa: TEATRI NUK DO TË SHEMBET!!! Pushtetit politik mund ti trimërojë hajdutët, por nuk ka për ti shpëtuar përgjithmonë. Teatri do mbrohet, edhe me gjak po të jetë nevoja, dhe kushdo që do guxojë të ngrejë dorën ndaj tij do të gjykohet e do të paguajë shumë shpjet pasojat e vendimeve të marra sot. Hiqni dorë nga kjo marrëzi para se te jetë vonë për Ju!”, përfundon postimi i Aleancës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
