.png)
Tasmania ka konfirmuar rastin e parë të gripit të shpendëve H5N1, virus që tashmë është evidentuar te fauna e egër në pesë shtete të tjera të Australisë, raportojnë mediat lokale.
Rasti u identifikua në bregdetin veriperëndimor të Tasmanisë. Pas analizave laboratorike, zogu rezultoi pozitiv me virusin H5N1, bëri të ditur Korporata Australiane e Transmetimeve.
Me këtë zbulim, Tasmania bëhet shteti i gjashtë dhe i fundit australian ku është konfirmuar prania e virusit. H5N1 u evidentua për herë të parë në Australi në qershor, në Australinë Perëndimore.
Departamenti i Burimeve Natyrore dhe Mjedisit në Tasmania deklaroi se bëhet fjalë për një rast të izoluar dhe se, për momentin, situata nuk klasifikohet si shpërthim. Sekretari i departamentit, Jason Jacobi, tha se mbërritja e virusit në Tasmania ishte “e pashmangshme”.
Në kuadër të masave për zbulimin e hershëm të rasteve, autoritetet tasmaniane kanë kryer monitorime ajrore përgjatë më shumë se 980 kilometrave vijë bregdetare, duke përfshirë edhe ishujt ku ndodhen koloni fokash dhe shpendësh detarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje