.png)
Dama Helen Mirren është një aktore legjendare e cila meriton një hyrje akoma më legjendare në tapetin e kuq, dhe kjo është pikërisht ajo ç’ka bëri ajo tre netë më parë në premierën e serialit të saj më të ri “Catherine The Great” në Londër. Në vend që të bënte një hyrje normale duke ecur si të gjithë të ftuarit e tjerë, Mirren kishte zgjedhur të mbahej nga 4 burra. E ulur në mënyrë mbretërore në një kuti që ngjante si një karrocë mbretërore e mbyllur me xham, dukej sikur ajo po e përdorte momentin për të personifikuar vetë Katerinën e Madhërishme, lideren me jetëgjatë femër në historinë e Rusisë.
Kjo hyrje e Mirren është një nga ato gjërat ekstra që vetëm një damë mund ti bëjë, por mos mendo se mrekullia mbaroi me aq. Kur dera e karrocës u hap dhe aktorja doli jashtë, surpriza ishte veshja e Helen e cila dukej sikur ishte marrë direkt nga vitet 1700. Ajo kishte veshur një bluze pak të fryrë me një jakë të rrumbullakët me një fund i cili arrinte deri në dysheme dhe fiks si një mbretëreshë, bizhuteritë që shkëlqenin nuk mund të mungonin. E gjithë kjo paraqitje e Helen përcaktoi temën e qartë se si duhet të jetë një moment në tapetin e kuq: teatral, i paparashikueshëm dhe argëtues në një mënyrë të guximshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
