.png)
Liam Neeson u rikthehet kujtimeve që lëndojnë më shumë. “Unë isha pak i frikësuar nga ky film, është një histori e familjes, dashurisë, dhembshurisë dhe humbjes, pastaj thashë me vete: duhet ta bësh”. Aktori rikthen dramën që përjetoi në vitin 2009, kur humbi gruan e tij, Natasha Richardson, në një aksident me ski, ndërsa ishte me pushime në Kanada.
Ndodh në Made in Italy, një “dramë”, në të cilën ai luan së bashku me djalin e tij, Micheál, i cili ka rolin kryesor. Kujtimet e dhimbshme për t'u përballur janë për të dy ne. Me vështrimin e tij që ka thellësi dhe melankoli, Liam bën një udhëtim në Toskanë me Michael për të shitur shtëpinë në fermë të trashëguar nga gruaja e tij. E rrethuar nga fushat e lulediellit, shtëpia në fermë po shkatërrohet.
“Është në një gjendje të tillë që duket sikur pasqyron kujtimet e tyre për kohërat e lumtura”, thotë aktori James D'Arcy, në debutimin si regjisor.
Telefoni celular i Liam Neeson ra: “Ajo ishte agjentja ime e filmit, më tha që duhej ta lexoja këtë skenar, është diçka që do të të bëjë mirë ty dhe djalit tënd. Ishte një lloj thirrje fati”.
“Ishte kaq afër nesh, unë nuk kisha filluar shkollën e mesme kur nëna ime vdiq, ka kaq shumë pyetje që do të doja t’i bëja; është e çuditshme se si filmi hyri në jetën tonë, unë duhej të hiqja dhimbjen prej tij”, thotë Micheál, i cili zgjodhi mbiemrin e nënës së tij, Richardson, “për ta nderuar atë dhe për të ndjerë një pjesë të familjes më afër, babai im e kuptoi atë”. Ai e humbi atë kur ishte 13 vjeç, sot është 25 vjeç. Si adoleshent, Micheál nuk ishte në gjendje ta përpunonte humbjen, “Unë nuk doja ta përballoja atë”.
Në film, i përshtatur nga zërat e Minës dhe Pavarotti, djali bie në dashuri me një grua të re që zotëron një restorant, të luajtur nga Valeria Bilello e cila thotë: “Liam dhe Micheál e kanë ndier përgjegjësinë e filmit, ishte një përvojë kaq e rëndësishme, dhe mua më është dashur ta fus veten në kujtime të dhunshme dhe të ëmbla në të njëjtën kohë. Me djalin e tij, ai është i butë dhe kurrë i rëndë. Ai është shumë i gjendshëm si baba, një ditë ai mungoi gjatë realizimit të filmit sepse Daniel, djali tjetër, po diplomohej në Amerikë. U kthye pas 24 orësh”.
Valeria, për çfarë flisnit për t’u çlodhur në pauza, e ke pyetur ndonjëherë për filmat e Spielberg? “Jo, Liam është në kërkim të normalitetit, përkundrazi ai donte të fliste për filmin Gomorra për të cilën ai është i apasionuar. Unë interpretoj një grua me një ortek problemesh, por ajo rrëmbehet nga të tjerët, hyn në botën e tyre dhe mbetet jetime pak, kjo është ajo që është e mirë për të në atë moment”.
Në film na shpaloset Toskana e parë nga amerikanët, sikur koha të ishte ndalur. Një histori që bëhet një biznes familjar. Shtëpia në fermë që ata duan të rinovojnë për shitje përputhet me copat e së kaluarës së tyre për t’u vendosur përsëri, e kaluara e shkatërruar pas humbjes së gruas.
“Është një film katartik, - thotë Liam Neeson, - ishte një përvojë personale por unë doja të qëndroja anash, regjisori drejtoi lojën”.
Ajo shtëpi e kthen personazhin e tij përsëri në ditë të lumtura. “E vërteta është që ju nuk doni ta shisni, ju kurrë nuk flisni për mamin”, sulmonte ndonjëherë djali. Ndërsa Liam shpeshherë sulmohej nga ndjenjat e fajit.
“Nuk doja që djali im të rrethohej nga kujtime si unë”, i thotë Liam Valerias në një skenë.
Babai dhe djali në film janë dy kokëfortë, ata e duan artin, babai piktor bohem dikur i suksesshëm, djali galerist, kanë grumbulluar inate të ndërsjella me kalimin e kohës. Ngadalë ata do të rizbulojnë dashurinë që i lidh. Regjisori donte të bënte “një film shprese”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
