.png)
Gazeta Si - Një 45-vjeçar është arrestuar në Tiranë, pasi aksidentoi me makinë për vdekje një 73-vjeçar me iniciale Z.K., në rrugën “Asim Vokshi” në kryeqytet.
Pas aksidentit, E.N., u largua nga vendngjarja, por u arrestua pas hetimeve të policisë, që mundën ta identifikonin dhe ta lokalizonin.
Ai u shoqërua në Komisariatin Nr3. dhe iu nënshtrua testit të alkoolit dhe drogës. Rezultoi se Ndoj drejtonte mjetin nën efektin e alkoolit dhe të lëndëve narkotike.
45-vjeçari u arrestua, pasi ndaj tij Gjykata e Tiranës vendosi masën arrest në burg, për akuzat drejtim i automjetit në mënyrë të parregullt, shkelje e rregullave të qarkullimit rrugor dhe largim nga vendi i aksidentit.
Gjithashtu, 45-vjeçarit iu pezullua patenta për 24 muaj, iu zbritën 15 pikë nga leja e drejtimit dhe iu vendos gjobë 350 mijë Lekë të vjetra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
