Një kalimtar është aksidentuar për vdekje në vendin e quajtur “Çentër Shqiptare” në Berat.
Policia thotë se një 33-vjeçar nga Durrësi e ka goditur me mjetin e tij dhe është larguar nga vendi i ngjarjes. Policia ka arrestuar 33-vjeçarin për drejtim të mjetit në mënyrë të parregullt dhe largim nga vendi i aksidentit.
“Nga specialistët e Sektorit për Qarkullimin Rrugor u bë ndalimi i shtetasit A.L., 33 vjeç, banues në Durrës, pasi më datë 19.10.2021, në vendin e quajtur ‘Çentër Shqiptare’, Kombinat, duke drejtuar mjetin tip ‘Opel’, goditi shtetasin A.A, i cili humbi jetën, dhe më pas u largua nga vendi ngjarjes”, thuhet në njoftimin e policisë.
Materialet i kaluan Prokurorisë së Rrethit Gjyqësor Berat, për veprat penale “Drejtimi i mjetit në mënyrë të parregullt” dhe “Largim nga vendi i aksidentit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.