.png)
Nga Gazeta ‘SI’ – Një aksident mes dy automjeteve ka ndodhur në rrugën nacionale Sarandë – Delvinë, në zonën e njohur si Shijan.
Sipas informacionit paraprak, një automjet Ford, me drejtues Leonard Begolli, 64 vjeç, dhe një automjet Benz në pronësi të Alen Preçit, u përplasën me njëri-tjetrin.
Si pasojë e përplasjes, katër persona, përfshirë drejtuesit e dy mjeteve, mbetën të plagosur. Ata u transportuan me urgjencë në spitalin e Sarandës, ku stafi mjekësor konfirmoi se janë jashtë rrezikut për jetën.
Në vendngjarje mbërritën menjëherë punonjësit e Shërbimit të Qarkullimit Rrugor në Sarandë, të cilët vijojnë hetimet për zbardhjen e shkaqeve të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
