.png)
Gazeta Si - Një 66-vjeçar që drejtonte një makinë tip “Opel”, ka ndërruar jetë në Spitalin e Traumës në Tiranë, pasi u përfshi pasdite në një aksident.
Aksidenti ndodhi rreth orës 15:00 në vendin e quajtur si “Kryqëzimi i Rrilës” në Lezhë.
Viktima është Ndoc Nikaj, 66-vjeç. Ai kishte marrë plagë të shumta në disa pjesë të trupit dhe nuk mundi të mbijetojë.
Në gjendje të rëndë ndodhet edhe bashkëshortja e viktimës, që ishte pasagjere, V. N., 62-vjeç.
Po ashtu, i plagosur mbeti dhe drejtuesi tjetër i mjetit, shtetasi B.C., 53 vjeç.
Disa minuta më vonë një tjetër aksident është shënuar në Lezhë. Ngjarja u regjistrua në rrugën e kombit në segmentin Milot-Rrëshen, në dalje të Rubikut.
Një automjet ka dalë nga rruga, duke u përplasur në një mur. Si pasojë ka mbetur i plagosur shoferi.
Ai është dërguar për ndihmë mjekësore në spital dhe fatmirësisht ndodhet jashtë rrezikut për jetën.
Ditët e fundit, kanë ndodhur disa aksidente rrugore në qarkun e Lezhës, ku janë regjistruar 3 viktima dhe disa të plagosur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
