.png)
Gazeta Si – Një aksident i rëndë me pasojë vdekjen e një personi ka ndodhur mëngjesin e kësaj të mërkure, 5 gusht, në aksin rrugor Korçë-Maliq, pranë fshatit Vashtëmi.
Sipas informacioneve paraprake, një automjet tip “Audi”, që dyshohet se lëvizte me shpejtësi të lartë, ka përplasur nga pas një automjet tjetër. Si pasojë e përplasjes, automjeti i goditur ka dalë nga rruga.
Drejtuesi i automjetit të përplasur, një 27-vjeçar që udhëtonte i vetëm, ka humbur jetën në vendngjarje si pasojë e plagëve të marra.
Në automjetin tjetër ndodheshin katër persona. Drejtuesi i mjetit është shoqëruar nga policia, ndërsa tre pasagjerët e tjerë kanë mbetur të plagosur. Një prej tyre po merr ndihmë mjekësore në Spitalin e Korçës, ndërsa dy vajza janë transportuar në Spitalin e Pogradecit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje