.png)
Agjencia Europiane e Barnave ka dhënë verdiktin final për sigurinë e vaksinës së prodhuar nga AstraZeneca dhe Universiteti i Oksfordit, duke njoftuar se është e sigurt dhe efektive.
Drejtuesja e agjencisë, Emer Cooke u shpreh në një konferencë se EMA ka vendosur se “kjo është një vaksinë e sigurt dhe përfitimet tejkalojnë çdo rrezik të mundshëm. Doza, sipas saj, nuk shoqërohet me rritje të rrezikut të përgjithshëm të eventeve tromboembolike ose mpiksjes së gjakut.
Cooke deklaroi po ashtu se EMA po kërkon të bëjë studime vëzhguese për të hetuar më tej. Ajo u bëri thirrje personave që pësojnë ndonjë efekt anësor ta raportojnë. Por, drejtuesja e EMA theksoi gjithsesi se vaksina e prodhuar nga AstraZeneca është një opsion i sigurt dhe efektiv për të mbrojtur qytetarët kundër Covid-19. Sipas rregullatorit evropian, vaksina tregoi një efikasitet të paktën 60% në parandalimin e sëmundjes së koronavirusit.
EMA thekson se nuk ka asnjë dëshmi të një problemi që lidhet me grupe të veçanta të vaksinës ose me vendet e veçanta të prodhimi. Sidoqoftë, agjencia thotë se vaksina mund të shoqërohet me raste shumë të rralla të mpiksjes së gjakut të shoqëruara me nivele të ulëta të trombociteve.
Këto janë raste të rralla. Nga 20 milion njerëz në BE dhe Mbretërinë e Bashkuar që kanë marrë vaksinën EMA kishte shqyrtuar vetëm 7 raste të rënda të mpiksjes së gjakut dhe 18 raste të trompozës. Në Britani, ku kjo vaksinë i është dhënë rreth 11 milion njerëzve, numri i rasteve tromboembolike të raportuara pas vaksinimit, ishte 469 raporte, 191 prej tyre në gjendje më të rëndë. Numri i tyre ishte më i ulët sesa pritej në popullatën e përgjithshme. Kjo na lejon të konfirmojmë se nuk ka rritje të rrezikut të përgjithshëm të mpiksjes së gjakut. Sidoqoftë, tek pacientët më të rinj mbeten disa shqetësime, të lidhura veçanërisht me këto raste të rralla”, thotë EMA në një deklaratë.
Ekspertët e Komitetit të Agjencisë theksojnë se vëzhguan në detaje të dhënat e rasteve të raportuara nga Shtetet Anëtare, 9 prej të cilave rezultuan me vdekje. Shumica e këtyre ndodhën tek njerëzit nën 55 vjeç dhe shumica ishin gra. “Meqenëse këto ngjarje janë të rralla, dhe vetë COVID-19 shpesh shkakton çrregullime të mpiksjes së gjakut tek pacientët, është e vështirë të vlerësosh shkakun edhe tek njerëzit që nuk kanë bërë vaksinën. Sidoqoftë, bazuar në shifrat para-COVID u përllogarit që më pak se 1 për cdo të vaksinuar nën 50 vjec që ka bërë vaksinën e Astrazeneca në Europë. Komiteti ishte i mendimit se efikasiteti i provuar i vaksinës në parandalimin e infektimit apo vdekjes nga COVID-19 i tejkalon gjasat jashtëzakonisht të vogla të mpikjes së gjakut. Sidoqoftë, në pacientët duhet të jenë të vetëdijshëm për mundësinë e largët të sindromave të tilla dhe nëse shfaqen simptoma që sinjalizojnë probleme të mpiksjes, pacientët duhet të kërkojnë kujdes të menjëhershëm mjekësor dhe të informojnë profesionistët e kujdesit shëndetësor për vaksinimin e tyre të fundit”, njofton EMA.
Sipas agjencisë europine, duke qënë se COVID-19 është kaq i përhapur, përfitimet e vaksinës në parandalimin e saj tejkalojnë rreziqet e efekteve anësore.
Sidoqoftë, nëse keni marrë Vaksinën COVID-19 AstraZeneca keni simptoma si:
- -marrje fryme,
- dhimbje në gjoks ose stomak,
- ënjtje ose ftohje në një krah ose këmbë,
- dhimbje koke e rëndë ose e përkeqësuar ose vizion i paqartë pas vaksinimit,
- gjakderdhje e vazhdueshme,
- mavijosje të shumta të vogla, njolla të kuqërremta ose flluska gjaku nën lëkurë, ju lutemi kërkoni ndihmë të shpejtë mjekësore dhe përmendni vaksinimin.
Në një informacion shtesë dedikuar profesionistëve të kujdesit shëndetësor, EMA thotë se rastet e venës cerebrale janë raportuar tek personat që kishin marrë vaksinën e AstraZeneca, kryesisht ndodhin brenda 14 ditëve pas vaksinimit. “Shumica e rasteve përfshinin gra nën 55 vjeç, megjithëse kjo mund të vijë për shkak të përparësisë së grupeve të veçanta në fushatat e vaksinimit në shtete të ndryshme anëtare.
Numri i rasteve të raportuara i tejkalon ato që priten, dhe shkaku, edhe pse nuk është konfirmuar, nuk mund të përjashtohet të jetë vasksina. Sidoqoftë, duke pasur parasysh vështirësinë e përcaktimit të incidencës fillestare pasi që vetë COVID-19 po rezulton në shtrime në spital me ndërlikime tromboembolike, rreziku dhe serioziteti i rasteve me mpiksje gjaku nuk duhet anashkaluar. Profesionistëve të kujdesit shëndetësor u kërkohet të jenë vigjilentë për rastet e mundshme të mpiksjes që ndodhin tek individët e vaksinuar. Të vaksinuarit duhet të paralajmërohen të kërkojnë kujdes të menjëhershëm mjekësor për simptomat e trompozës të tilla si mavijosje ose gjakderdhje të lehtë, dhe dhimbje koke të vazhdueshme ose të rëndë, veçanërisht pas 3 ditësh pas vaksinimit. Një komunikim i drejtpërdrejtë profesional i kujdesit shëndetësor do t'u dërgohet profesionistëve të kujdesit shëndetësor që përshkruajnë, shpërndajnë ose administrojnë ilaçet”, thotë EMA.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
