.png)
Covid-19 ka detyruar Influencerat që të zëvendësojnë fotot e tyre para ujëvarave në Bali me foto të realizuara në kolltukun e tyre, dhe dyqanet e abstrakte të kafesë së bashku me palestrat luksoze janë zëvendësuar me kafen e bërë në shtëpi dhe gjimnastikën në dhomën e ndenjes. Por përveç ndryshimeve në stilin e jetesës, influencerat ndodhen përballë një ndryshimi akoma edhe më drastik në biznesin e tyre. Modeli i marketingut që përbën pjesën më të madhe të të ardhurave të një influenceri po humbet fuqinë. Markat e njohura po tërhiqen nga marrëveshjet fitimprurëse të sponsorizimit duke shkaktuar rënie të të ardhurave nga reklamat. Ndërsa po përballemi me një epokë të re ekonomike, është e paqartë nëse mënyra e jetesës e krijuar nga ‘influencerat’ mund të arrijë të mbijetojë. A mundet që koronavirusi të provokojë një rikonfigurim të epokës të kësaj industrie?
Gjatë dekadës së kaluar, kultura e ‘influencerave’ ka riformatuar mënyrën sesi markat arrijnë tek konsumatorët - industria e marketingut e të influencerave kishte arritur vlerën e rreth 6.5 miliard dollarë në vitin 2019, dhe pothuajse gjysma e bizneseve shpenzonin më shumë se 20% të buxhetit të tyre në postimet e ‘influencerave’. Ky trend është mbështetur dhe nga pagesat marramendëse, ku kompanitë paguanin mbi 10,000 USD për postimin e një reklame të produkteve të tyre nga influencera me më shumë se 1 milion ndjekës.
Megjithatë, përkundër krijimit të një modeli të ri inovativ që përcaktoi një epokë dixhitale, industria e influencerave kishte problematikat e veta. Një ngopje e marketingut në rrjetet sociale kohët e fundit detyroi shumë kompani të mëdha të reklamojnë markën e tyre në mënyrë më autentike nga frika se ata ishin duke i armiqësuar klientët e tyre me postime dhe vlerësime pozitive të paguara. Skandalet e shumta kanë tronditur këtë industri, të tilla si rasti i propozimit “surprizë” ne mediat sociale te një influenceri dhe të dashurit të saj, i cili ishte ideuar dhe sponsorizuar nga markat e ndryshme; ose festivali famëkeq Fyre, për te cilin influencerat u sponsorizuan me vlera marramendëse prej mijëra dollarë për të promovuar ngjarjen, ndërkohë që festivali mezi ishte organizuar dhe të pranishmit u lanë të bllokuar në një plazh në Bahamas. Viti 2020 duhej të ishte viti që kjo industri të rikthehej në dëshirën e ndjekësve të saj për "realitet". Në vend të kësaj, për shkak të Covid-19, shumë ‘influencera’ janë të detyruar të përqendrohen thjesht që t’i mbijetojnë rënies ekonomike të vitit 2020.
"Për shkak të ndërprerjes të punës, shumë kompani po përballen me sfida financiare," shpjegon Shane Barker, një strateg digjital, i cili ofron shërbime konsulence për kompanitë që përdorin rrjetet sociale për të përhapur markën e tyre, dhe influencerat që shpresojnë të kontraktohen nga markat e duhura në mënyrë që të fitojnë para, bazuar te numri i ndjekësve të tyre. “Në këto ditë, kompanitë po zvogëlojnë të gjitha shpenzimet e panevojshme. Disa mezi paguajnë punonjësit e tyre, e jo më të punësojnë influencera ”.
Një nga klientët e Shane, Chris Ruden, është një bodybuilder me gjymtyrë të amputuar që përdor platformën e tij për postime motivuese për kapërcimin e fatkeqësive. Si një nga shumë influencerat që mbështeten në seminare motivimi për të rritur të ardhurat e tyre financiare, Ruden ka përjetuar tashmë humbje si rezultat i pandemisë. “Kam pasur 28 evente të planifikuara për këtë vit; 95% e tyre tashmë janë shtyrë” thotë ai. "Jam detyruar të ideoj mënyra të ndryshme që të kenë vlerë edhe në kohën e pandemisë. Postimet kanë në përmbajtje qesharake ndërkohë që janë zvogëluar postimet motivuese - në fund të fundit, ju nuk mund të frymëzoni dikë dhe motivoni ata që të ndjekin Netflix”.
Ndërsa disa influencer të njohur kanë marrë kërcënime me vdekje pas postimeve të fotove të udhëtimeve të tyre magjepsëse, pavarësisht masave të distancimit social, Barker beson se postimet me përmbajtje më të ndjeshme është thelbësore nëse influencerat duan të mbijetojnë. "Ato duhet të krijojnë përmbajtje që reflektojnë situatën aktuale në të cilën gjenden njerëzit," thotë ai. "Kjo nuk do të thotë që influencerat duhet të fillojnë vetëm të shkruajnë dhe të flasin për pandeminë. Ajo që dua të them është se ata duhet të krijojnë përmbajtje të rëndësishme në industrinë ku ato operojnë, por duke mbajtur parasysh atë që njerëzit po kalojnë.’” Megjithëse këtë vit 69% e markave të famshme pritet të reduktojnë buxhetin e marketingut, sasia e kohës që po shpenzojmë ne të gjithë me pajisjet tona elektronike do të thotë gjithashtu se angazhimi në media sociale është rritur. Në një kohë krize, njerëzit janë gjithashtu duke kërkuar në internet që të ndjehen më pak të vetmuar. Influencerat e stilit të jetesës si Em Sheldon e konfirmon këtë dhe ka përshtatur përmbajtjen postimeve në përputhje me situatën.
"Gjithmonë kam dashur të ndaja me ndjekësit stërvitje dhe receta të shëndetshme, kështu që për mua ka qenë më shumë se një adaptim," thotë ajo. "Njerëzit duan të shohin më shumë postime me përmbajtje në ambientet e shtëpisë, që janë të ngjashme më jetën e tyre dhe që tregojnë që ne të gjithë jemi në të njëjtën situatë. Me më shumë se kurrë persona qe lundrojnë në internet në këtë kohë, postimet e përshtatshme me situatën, autentike dhe me shije, krijojnë mundësi të shkëlqyeshme për influencerat."
Disa madje besojnë se kjo vetëdije e përtërirë për poste autentike kundrejt atyre të paguar dhe largimi nga promovimi i markës është një gjë e mirë." Shqyrtimet e njëanshme të produkteve ishin kërcënuese për krijimin e një situate shumë të rrezikshme, duke qenë se njerëzit filluan të zhgënjeheshin me influencerat që për përfitime të tyre kishin humbur objektivitetin e tyre," thotë Michael Solomon, profesor i marketingut dhe autor i Social Media Marketing. "Nëse është e mundur, influencerat duhet të kthehen te një mesazh më altruist dhe të gjejnë mënyra për të ndihmuar kapërcimin e krizës me sugjerime konstruktive. Në kohë paqëndrueshmërie, njerëzit shikojnë burime të besueshme dhe burimet që ofrojnë besueshmëri janë ato që do të mbahen mend pas përfundimit të krizës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
