A mundet që një dietë e shëndetshme të ulë rrezikun e prekjes nga Parkinsoni?

Ndërsa problemet e lëvizjes janë simptomat kryesore të sëmundjes së Parkinsonit, njerëzit me këtë sëmundje shpesh kanë simptoma përpara se të zhvillohet sëmundja si kapsllëk, përgjumje gjatë ditës dhe depresion 10 ose më shumë vjet, para se të fillojnë problemet e lëvizjes. Një studim i ri tregon që të hash një dietë të shëndetshme në moshën e mesme mund të ndihmojë për të pasur më pak gjasa për t’u prekur nga sëmundja. Studimi që tregon këto fakte është botuar në revistën online “Neurology”.
"Ndërsa ky studim nuk tregon shkak dhe efekt, ai sigurisht siguron edhe një arsye tjetër për të konsumuar më shumë perime, arra dhe bishtajore në dietën tuaj. Ka nevojë për studime të tjera për të përcaktuar nëse konsumimi i një diete të shëndetshme mund të vonojë ose parandalojë zhvillimin e sëmundjes së Parkinsonit mes njerëzve që kanë simptoma," tha autori i studimit, Samantha Molsberry, pedagoge në universitetin e Harvardit në Boston.
Studimi përfshiu 47.679 njerëz që u pyetën për dietën e tyre çdo katër vjet duke filluar nga vitet 1980 kur ata ishin në moshën mesatare. Pastaj në vitin 2012, njerëzit u pyetën nëse kishin dy kushte që janë të zakonshme te njerëzit që më vonë diagnostikohen me sëmundjen e Parkinsonit: kapsllëk dhe një çrregullim i gjumit. Më vonë në vitin 2014-2015, 17.400 prej pjesëmarrësve u pyetën rreth pesë simptoma të tjera që mund t'i paraprijnë sëmundjes së Parkinsonit: humbja e ndjesisë së aromës, shikimi i dëmtuar, përgjumja e tepërt e ditës, dhimbja e trupit dhe depresioni. Studiuesit shikuan se nga afër dietat e njerëzve ndiqnin ose dietën alternative të Mesdheut, e cila është e ngjashme me dietën mesdhetare, por përfshin vetëm bishtja dhe jo shumë bulmet, ose Indeksin e Ushqimit Alternativ të Shëndetshëm. Të dy dietat inkurajojnë të hanë shumë fruta, perime, drithëra, arra dhe bishtajore dhe të mos përdorin mish të kuq. Ata i ndanë pjesëmarrësit në pesë grupe bazuar në atë se sa afër ndiqen dietat.

Studimi zbuloi se njerëzit që i kishin respektuar këto dieta kishin më pak gjasa të kishin simptomat e Parkinsonit. Ata që ishin në grupin që i ishin përmbajtur konsumimit të saktë të dietës mesdhetare kishin 33% më pak të shanse të kishin tre ose më shumë simptoma. Këto rezultate u gjetën pasi studiuesit u përshtatën për faktorë të tjerë që mund të ndikojnë në rrezikun e shfaqjes së këtyre simptomave të mëparshme, siç janë aktiviteti fizik, pirja e duhanit dhe indeksi i masës trupore. Studiuesit gjetën një raport të ngjashëm të fortë midis ndjekjes së modelit të dietës alternative të shëndetshme të ushqimit dhe të pasurit tre ose më shumë nga këto simptoma jo motorike.
Në mesin e 29.899 grave në studim, 37% e grupit që kishin përmbushur “rregullat”kishin kapsllëk, krahasuar me 32% të grupit që kishin konsumuar saktësisht dietën e tyre. Në mesin e 11493 grave me të gjitha simptomat jo-motorike të matura, 15% e grupit të parë kishin dhimbje trupi, krahasuar me 13% të grupit të dytë. Në të njëjtat gra, 17% e grupit të parë kishin simptoma depresioni, krahasuar me 14% të grupit të dytë. Në mesin e 17,770 burrave në studim, 22% në grupin e të parë kishin kapsllëk, krahasuar me 12% të grupit të dytë.

Molsberry vuri në dukje se dhimbja e trupit dhe depresioni mund të kenë ndodhur në një shkallë më të lartë në studim sesa në popullatën e përgjithshme për shkak të modelit të studimit, por që kjo u llogarit edhe në analizën statistikore.
Duke parë grupe ushqimore individuale, studiuesit zbuluan se ngrënia e më shumë perimeve, arrave, bishtajave dhe konsumimi i një sasie të pakët të alkoolit ishin të gjitha të lidhura me një rrezik më të ulët për të pasur tre ose më shumë nga simptomat e sëmundjes së Parkinsonit. Konsumi i ulët i alkoolit konsiderohej jo më shumë se një pije në ditë për gratë dhe jo më shumë se dy pije në ditë për burrat.
"Ne duhet të theksojmë se, ndërsa këto simptoma shoqërohen me një rrezik të shtuar të sëmundjes së Parkinsonit, veçanërisht në kombinim, përjetimi i ndonjë ose disa prej këtyre simptomave nuk do të thotë domosdoshmërish që një person përfundimisht do të zhvillojë sëmundjen e Parkinsonit," tha Molsberry.
Një kufizim i studimit ishte që pjesëmarrësit nuk u pyetën për simptomat e mëparshme në fillimin e studimit, kështu që disa njerëz mund të kenë pasur këto simptoma, të cilat mund të kishin ndikuar në dietën e tyre.
Burimi: MedicalExpres. Përktheu: Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.