.png)
Policia e Shkodrës ka goditur dy raste të veprimtarisë kriminale në fushën e narkotikëve dhe armëmbajtjes pa leje, duke arrestuar 4 persona dhe proceduar penalisht një tjetër.
Në kuadër të operacionit të koduar “Sezoni”, pas një hetimi disa mujor me metoda speciale, u dokumentua veprimtaria e një grupi personash të dyshuar për shitje, shpërndarje dhe mbajtje të lëndëve narkotike.
Si rezultat i operacionit u arrestuan shtetasit:
G. B., 20 vjeç, banues në Ktosh;
D. R., 20 vjeç, banues në Koplik;
K. P., 22 vjeç, banues në Lohë e Poshtme.
Ndërkohë, nisi procedimi penal në gjendje të lirë për shtetasin R. H., 34 vjeç.
Gjatë kontrolleve policia sekuestroi lëndë të dyshuar narkotike Cannabis Sativa dhe 5 telefona celularë. Në kuadër të të njëjtit hetim, gjatë muajve qershor dhe korrik 2026, janë arrestuar edhe 4 persona të tjerë.
Rasti i dytë u evidentua nga shërbimet e Stacionit të Policisë Velipojë, të cilat arrestuan në flagrancë një 18-vjeçar me inicialet A. P., banues në Pulaj-Plazh.
Gjatë kontrollit fizik ndaj tij u gjet një armë zjarri pistoletë, ndërsa në banesë iu sekuestrua një sasi lënde e dyshuar narkotike Cannabis Sativa, e ndarë në doza.
Materialet për të dyja rastet i janë referuar Prokurorisë së Shkodrës për veprime të mëtejshme hetimore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje