.png)
Nga Gazeta ‘Si’- Donald Trump ka deklaruar se marrëveshja me Iranin po kalon në një “fazë të dytë”, gjatë një komunikimi me gazetarët në samitin e G7.
Sipas agjencisë Reuters, presidenti amerikan u shpreh se SHBA-të nuk po investojnë asnjë fond në Iran në kuadër të kësaj marrëveshjeje.
“Ne e kemi përfunduar marrëveshjen me Iranin dhe ajo duhet të jetë e suksesshme; po kalon në një fazë të dytë, e cila mendoj se do të jetë edhe më e lehtë”, tha ai para gazetarëve.
Marrëveshja u arrit të dielën, por detajet e përmbajtjes së saj ende nuk janë publikuar.
Të hënën, presidenti amerikan tha se “marrëveshja është nënshkruar” dhe teksti i plotë do të publikohet “shumë shpejt”. Ai gjithashtu sugjeroi se mund të publikohet pasi dy palët ta nënshkruajnë zyrtarisht marrëveshjen në Zvicër të premten.
Zyrtarë të lartë amerikanë kanë thënë se, si pjesë e marrëveshjes, Ngushtica e Hormuzit do të rihapet të premten.
Marrëveshja do të zgjasë armëpushimin edhe për 60 ditë të tjera, gjatë të cilave palët do të negociojnë detajet e një marrëveshjeje përfundimtare.
Ministri i Jashtëm i Iranit, Seyed Abbas Araghchi, konfirmoi se një raund i ri negociatash për arritjen e një marrëveshjeje paqeje përfundimtare me SHBA do të nisë në Zvicër po atë ditë.
Zyrtarë amerikanë gjithashtu thanë se bisedimet teknike mbi programin bërthamor të Iranit pritet të fillojnë këtë javë gjatë negociatave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje