.png)
Nga Gazeta ‘Si’– Kuvendi i Shqipërisë do të mblidhet këtë të enjte në seancë plenare, ku në fokus pritet të jenë debatet për klimën e investimeve në vend, procesin e integrimit europian dhe një sërë interpelancash me anëtarët e qeverisë.
Sipas rendit të ditës, seanca do të nisë me miratimin e procesverbalit të mbledhjes së kaluar dhe njoftimet, ndërsa më pas do të zhvillohet një mocion me debat lidhur me problematikat e evidentuara në raportin vjetor të Departamentit Amerikan të Shtetit (DASH) për klimën e investimeve në Shqipëri, si edhe gjetjet e progres-raportit të Komisionit Europian.
Në seancën e sotme do të shqyrtohet edhe projektrezoluta “Për procesin e anëtarësimit të Republikës së Shqipërisë në Bashkimin Europian”.
Një tjetër pikë që pritet të sjellë debat në sallën e Kuvendit është interpelanca me kryeministrin Edi Rama, e kërkuar nga deputeti Tritan Shehu.
Po ashtu, në Kuvend janë thirrur për interpelancë edhe disa ministra. Zëvendëskryeministrja Albana Koçiu do të përballet me pyetjet e deputetëve Agron Shehaj dhe Erald Kapri.
Ndërkohë, ministri i Financave Petrit Malaj do të jetë në interpelancë me deputetin Eno Bozdo.
Në rendin e ditës janë parashikuar edhe dy interpelanca me ministrin e Brendshëm Besfort Lamallari, të kërkuara nga deputeti Erion Braçe dhe nga deputetët Agron Shehaj e Erald Kapri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje