.png)
Nga Gazeta ‘SI’ – Numri i familjeve që kanë marrë hua është rritur, gjatë gjysmës së dytë të vitit 2025, ndërsa aftësia e tyre paguese është dobësuar disi.
Këto janë disa nga gjetjet e Bankës së Shqipërisë në vrojtimin për gjendjen financiare të familjeve.
Sipas deklarimit, rreth 17% e familjeve kanë të paktën një hua për të paguar në momentin e intervistimit. Kjo peshë është rritur lehtë me rreth 0.7 p.p. krahasuar me gjashtëmujorin e kaluar dhe ka rënë me 0.5 p.p. krahasuar me një vit më parë, duke qëndruar nën mesataren historike të treguesit prej 26%.
Rreth 78% e familjeve deklarojnë se pagesa e huasë zë “më pak se 30% të të ardhurave mujore” , por dhe ky tregues është ulur me 5 dhe 6 p.p. në terma gjashtëmujorë dhe vjetorë. Nga ana tjetër, pesha e familjeve për të cilat “pagesa e huasë” tejkalon 30% të të ardhurave ka shënuar rritje dhe kjo ecuri sugjeron për një rritje të ngarkesës së huasë së familjeve gjatë periudhës.
Rreth 57% e familjeve huamarrëse kanë deklaruar se aftësia e tyre paguese nuk ka ndryshuar gjatë gjysmës së dytë të vitit 2025 dhe gjithashtu 75% nuk presin që të ndryshojë në gjysmën e parë të vitit 2026.
Indekset e aftësisë paguese për gjashtëmujorin e kaluar dhe për gjashtë muajt e ardhshëm, të cilat agregojnë përgjigjet e familjeve që presin të kenë ndryshime në aftësinë e tyre paguese, tregojnë për përkeqësim të këtij treguesi në periudhën e vrojtuar, dhe pritje më pak optimiste për periudhën e ardhshme.
Familjet presin rigjallërim modest të kërkesës së tyre për kredi në gjashtë muajt e ardhshëm. Rreth 63% e atyre që janë përgjigjur, kanë deklaruar se “nuk presin të marrin hua të re në 6 muajt e ardhshëm”.
Pesha e atyre që deklarojnë se e konsiderojnë mundësinë për të marrë/rimarrë një hua të re, u rrit me 1 p.p. në krahasim me gjashtë muaj më parë, por ra me 4 p.p. në terma vjetorë, duke sugjeruar vetëm një përmirësim të lehtë të kërkesës së familjeve për kredi në gjysmën e parë
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje