.png)
Nga Gazeta ‘Si’– Kryeministri i Kosovës Albin Kurti ka deklaruar në pasurinë e tij vetëm 16 euro kursime.
Agjencia për Parandalimin e Korrupsionit ka publikuar deklarimin vjetor të tij ku shihet se atij i është shtrenjtuar qiraja e banesës për 100 euro, teksa i kanë rënë kursimet.
Tek pasuritë e paluajtshme dhe të luajtshme nuk ka ndonjë ndryshim.
Si pasuri të paluajtshme, Kurti ka përmendur banesën e bashkëshortes, në vlerë 530 mijë euro.
Në emër të bashkëshortes Kurti ka përmendur si kursime 19 mijë e 500 me prejardhje nga paga dhe trashëgimi nga prindi, 2 mijë euro kursime të vajzës, që gjithashtu thotë se e kanë prejardhjen nga familjarët.
Vjet ai i kishte deklaruar si kursime 1800 euro.
Si borxhe, ka deklaruar kredinë e bashkëshortes në vlerë të mbetur 160 mijë euro, dhe ka renditur qiranë e banesës që tash e paguan 350 euro, nga 250 sa e paguante vjet.
Tek të hyrat vjetore, Kurti ka renditur 21 mijë e 315 euro nga paga si Kryeministër dhe 51 mijë euro të bashkëshortes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje