.png)
Nga Gazeta ‘Si’- Deputeti i Partisë Socialiste, Erion Braçe ka konfirmuar ambicien për të kandiduar për postin e kryetarit të bashkisë së Tiranës.
Në një reagim në rrjete sociale, deputeti shprehet se ka marrë shumë mesazhe për seriozitetin e deklaratës së tij, ndërsa shton se nuk po tallet dhe se do t’i shkojë deri në fund.
Braçe shprehet se synimi i tij për të kandiduar nuk ka të bëjë me ambicien personale, por shtoi se e sheh këtë si një mundësi shumë të madhe për të zhvilluar qytetin në një dimension të ri ku të gjithë e gjejnë veten.
“Nuk është ambicie personale, nuk është interesi im personal – jam tërësisht i çliruar nga këto; por mendoj se kemi një mundësi shumë të madhe për ta zhvilluar këtë qytet në një dimension të ri, përfshirës ku gjithësecili gjen jo veten e tij, jo jetën e tij por të mirën e tij”, shton më tej ai.
Në zgjedhjet e majit të kaluar, ai u përfshi në listën e hapur për Tiranën vetëm pak muaj para votimit, dhe arriti të sigurojë 23.694 vota, duke u renditur i dyti më i votuar në kryeqytet dhe ndër më të votuarit në gjithë vendin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje