.png)
Qesharake, të kthyera në ‘meme’ dhe të renditura në listat e veshjeve më të këqija, këtu janë veshjet më të spikatura të Oscar-it gjatë viteve.
Në Oscarët e vitit 2001, filmi Gladiator fitoi çmimin për filmin më të mirë, me Russell Croëe që fitoi çmimin për aktorin më të mirë. Por, këto fakte u shuan pasi tapeti i kuq prodhoi një moment legjende të modës- Bjork e veshur me atë që tani njihet si “fustani i mjellmës” por edhe si një nga veshjet më të shëmtuara. Këtu janë disa veshje të tjera.
Kostumi i Streisand në stilin e pizhamave, i punuar nga Arnold Scaasi (i cili veshte edhe zonjat e para të SHBA-së), ishte kryesisht transparent nën dritat e diellit dhe shkaktoi një sensacion. Kur Scaasi vdiq në vitin 2015, Streisand shkroi se ai “kishte bërë shumë veshje të mrekullueshme për mua gjatë viteve dhe për fat të keq, vetëm njëra prej tyre vodhi titujt e gazetave… U turpërova, por me siguri ishte origjinale në atë kohë”.
Veshja e Cher-it si Bob Mackie- reçipeta e sipërme, barku i gjatë dhe kapelja me pupla- ishte nxitur nga hakmarrja. E mërzitur që nuk ishte nominuar për çmimin Oscar për rolin e saj në filmin “Mask”, Cher donte të bënte një deklaratë.
“Siç mund ta shihni, mora broshurën time të Akademisë se si të vishem si një aktore serioze”, tha ajo me shaka ndërsa prezantonte një çmim.
Bluza polo me çmim 22 dollarë e Sharon Stone shihet si një shembull i shkëlqyer i veshjes lirë. Por, siç i tha ajo Naomi Campbell në vitin 2020, kjo ndodhi sepse fustani i saj u prish papritur kur një shofer shpërndarjeje kaloi sipër tij. E ndihmuar nga stilistja e kostumeve të Basic Instinct, Ellen Mirojnick, Stone krijoi pamjen duke përdorur “rrobat e saj të preferuara”.
Kostumet me pantallona për në tapetin e kuq nuk ishin të zakonshme në vitin 1999, veçanërisht të veshura me një xhaketë që kopsat i kishte nga mbrapa. Ky smoking i John Galliano e vendosi Dion në listat e veshjeve më të këqija. Tani përmendet si një pamje klasike e Oscarëve. Duke folur për People në vitin 2017, Dion e quajti atë një pamje përpara kohës së saj.
“Nëse do ta bëja këtë sot, do të funksiononte”, tha ajo.
Edhe pse jo aq eksperimentale sa veshjet e tjera në këtë listë, fustani i Vera Wang është një nga të veçantat e modës. Mund të jetë përgjegjës për aktorë të tjerë- Zendaya në vitin 2021, Timothee Chalamet vitin e kaluar- duke vazhduar pamjen “mustardë dhe ketchup” të të veshurit me të verdhë në një qilim të kuq.
Fustani i Jolie-s- ose, më saktë, këmba e saj e djathtë- përkoi me fillimin e kulturës së meme-ve. Ajo u shumua në mediat sociale, me llogari parodike në X dhe shumë diskutime rreth trupit të saj. Duke folur për momentin viral, ajo e minimizoi rëndësinë e tij. “Dëgjova diçka, por nuk i kushtova vëmendje”, i tha ajo HuffPost.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje