.png)
Lëvizja Vetëvendosje ka propozuar si kandidat për President ministrin e Punëve të Jashtme dhe Diasporës, Glauk Konjufca. Ky vendim erdhi pas dështimit të takimeve me partitët opozitare për zgjedhjen e një presidenti konsensual.
Vetëvendosje thekson se ka ftuar disa herë opozitën për të gjetur një kandidat konsensual, por, sipas tyre, nuk ka pasur propozime konkrete.
LVV shprehet e bindur se zgjedhjet e reja janë të panevojshme dhe se mund të arrihet pajtueshmëri, duke ftuar sërish subjektet opozitare të propozojnë kandidatë, madje duke ofruar edhe mbështetje me nënshkrime nëse është e nevojshme.
“Ne jemi të bindur se në vendin tonë ka shumë emra të denjë për këtë pozitë të rëndësishme shtetërore, rreth të cilëve do të mund të ndërtohej një pajtueshmëri për të ecur përpara. Në këtë fazë, zgjedhjet e reja do të ishin krejtësisht të panevojshme”, thuhet në njoftimin e VV.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje