.png)
Nike vazhdon të udhëheqë në inovacionin në veshjet teknike për atletët me një strategji të re të quajtur Sport Offense. Ky kapitull shënon fillimin e një bashkëpunimi unik që bashkon ekipet e inovacionit, dizajnit dhe produkteve në Nike, Jordan Brand dhe Converse në një motor të vetëm krijues.
Bashkëpunimi është hartuar për të ndarë teknologjitë, metodat, zgjidhjet dhe për të përshpejtuar shkëmbimin e ideve. Phil McCartney, Drejtor i Inovacionit, Dizajnit dhe Produkteve në NIKE, thotë se gjithçka fillon dhe mbaron me zërin e atletit- qëllimet e tyre, vështirësitë e tyre, shtysa e tyre.
Si pjesë e strategjisë Sport Offense, NIKE prezantoi katër teknologji të reja të dedikuara për zgjidhjen e problemeve të atletëve, përmirësimin e përvojës së tyre dhe promovimin e së ardhmes së sportit.
E para është një bluzë sportive Nike e bërë nga 100% mbetje tekstili. Aero-FIT është projektuar për të lëvizur më shumë ajër midis lëkurës dhe pëlhurës.
Mind 001 dhe Mind 002, të disponueshme nga janari 2026, janë këpucët e para Nike të bazuara në neuroshkencë që shfrytëzojnë lidhjen mendje-trup duke aktivizuar receptorët ndijorë në këmbë.
Projekti Amplify, një nga 4 risitë kryesore të prezantuara përmes Sport Offense, është sistemi i parë i motorizuar i këpucëve në botë, i projektuar për të ndihmuar atletët të vrapojnë dhe të ecin me më pak përpjekje. Me një dizajn që përmirëson lëvizjen natyrale të pjesës së poshtme të këmbës dhe kyçit të këmbës, sistemi i ndihmon përdoruesit të ndiejnë një shtytje më të madhe sesa me atletet e zakonshme.
E zbuluar në Lojërat Olimpike Dimërore Milano-Cortina 2026 nga Ekipi USA, xhaketa Therma-FIT Air Milano e Nike përmban teknologjinë A.I.R., rezultat i gati 50 viteve inovacion, dhe është veshja më teknike e markës. Xhaketa e lehtë dhe e gjithanshme është adaptive, duke u lejuar atletëve të rregullojnë temperaturën në kohë reale pa pasur nevojë të ndryshojnë shtresa, thjesht duke fryrë ose çfryrë ajrin brenda deflektorëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje