.png)
Gazeta Si – Transmetuesi publik britanik BBC i ka kërkuar falje presidentit të SHBA-ve, Donald Trump për manipulimin e një raporti të transmetuar pak para zgjedhjeve të fundit presidenciale, duke e shkurtuar atë në mënyrë që Trump të dukej sikur inkurajonte në mënyrë të qartë sulmin ndaj Kongresit më 6 janar 2021.
Çështja kishte dalë në pah ditët e fundit falë një hetimi të “The Telegraph” dhe kishte çuar në dorëheqjen e drejtorit të përgjithshëm dhe të drejtores së lajmeve.
Trump kishte kërcënuar të padiste BBC-në për 1 miliard dollarë dëmshpërblim për shpifje nëse ajo nuk do të korrigjonte veprimet e saj, nuk do të kërkonte falje dhe nuk do të ofronte kompensim deri më 14 nëntor.
BBC bëri dy gjërat e para, por presidenti i kompanisë, Samir Sha, i shkroi Shtëpisë së Bardhë se nuk shihte asnjë bazë për një akuzë për shpifje, dhe për këtë arsye, kompensim. Shtëpia e Bardhë nuk ka komentuar ende për kërkimin e faljes.
Skandali ka të bëjë me një segment në programin historik të BBC-së “Panorama”, i cili u transmetua një javë para zgjedhjeve të vitit 2024 në SHBA.
Mbi pesëdhjetë minuta të një fjalimi të mbajtur nga Trump më 6 janar 2021 u prenë, duke bërë që të dukej sikur Trump kishte inkurajuar drejtpërdrejt sulmin e mbështetësve të tij ndaj Kongresit atë ditë.
Të enjten, BBC u akuzua për prerje mashtruese të të njëjtit fjalim gjatë një transmetimi tjetër, të transmetuar në vitin 2022.
Çështja doli në pah pasi “Telegraph” publikoi një dokument të brendshëm të BBC-së në të cilin një konsulent i jashtëm, i emëruar për të vlerësuar standardet etike dhe praktikat editoriale të transmetuesit, kishte identifikuar probleme me mbulim të caktuar lajmesh.
Ai e ngriti çështjen me menaxhmentin, por, sipas deklaratave të tij dhe rindërtimit të “Telegraph”, nuk mori përgjigje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
