.png)
Gjykata e Posaçme ka dënuar me 4 vite burg ish-deputetin e Partisë Socialiste, Alqi Bllako për aferën e inceneratorit të Tiranës.
Bllako për shkak të gjykimit të shkurtuar ka përfituar ulje të dënimit që shkon në 2 vite e 8 muaj në burg. Duke qenë se masa e paraburgimit ka qenë më e lartë se dënimi, Bllako do të lirohet nga burgu.
Po ashtu mësohet se Bllakos i hiqet edhe e drejta për të ushtruar funksione publike për 5 vite.
Bllako akuzohet për korrupsion të kryer gjatë procedurës së koncesionit të inceneratorit të Tiranës.
Sipas SPAK, gjatë kohës që ishte sekretar i përgjithshëm i Ministrisë së Mjedisit dyshohet se ka përfituar para në vlerën e rreth 120 mijë euro dhe 7 milion e 520 mijë lekë nga shoqëria koncesionare për ndërtimin e inceneratorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
