.png)
Nga Gazeta ‘SI’ – Paqja Fiskale midis bizneseve dhe qeverisë do të nisë vitin e ardhshëm.
Kështu parashikohet në programin e qeverisë së katërt të socialistëve, ku thuhet se qëllimi i Paqes është formalizimi i bizneseve dhe deklarimeve vullnetare, duke minimizuar kontrollet tatimore. Ndër të tjera, Paqja parahsikon edhe faljen e debive tatimore mbi 10-vjeçare dhe mundësinë e pagimit të borxhit me përqindje të reduktuara.
Qeveria premton se taksa për biznesin e vogël do të vazhdojë të qëndrojë 0% deri në fund të mandatit.
Programi parashikon dhe rishikim të TVSH-së për fermerët, por pa dhënë detaje më shumë, si edhe krijimin e institucionit të Këshillit Fiskal.
Po ashtu, në dokument theksohet se do të bëhet me detyrim investimi në Zhvilllim dhe Kërkim, R&D, për bizneset e mëdha, si mekanizëm për të nxitur inovacionin dhe konkurrueshmërinë
Ndër të tjera, qeveria thotë se vitin e ardhshëm paga minimale do të jetë 500 euro dhe asnjë taksë për 18 muaj për ata me pagë të ulët. Në sektorin publik, deri në 2030-n, paga mesatare do të jetë 1.200 euro dhe në privat 1.000 euro.
Sigurisht në të gjithë programin zë një vend të rëndësishëm integrimi i Inteligjencës Artificiale në proceset rutinore të ekzekutivit dhe qytetarëve, nga shëndeti tek biznesi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
