.png)
Gazeta Si – Gjykata e Posaçme ka pushuar çështjen në ngarkim të krybashkiakut socialist të Libohovës, Leonard Hide, i cili ishte marrë i pandehur për shpërdorim detyre.
Mësohet se çështja u pushua me argumentin se nuk është vërtetuar se Hide ka kryer vepra penal, pasi SPAK e akuzonte se lejoi kultivimin e kanabisit në vitin 2021 gjatë kohësh kur shërbente si shef Krimesh.
Hide akuzohej për shpërdorim detyre në kohën kur mbante funksionin e Shefit të Krimeve në Komisariatin e Policisë Gjirokastër, lidhur me kultivimin e kanabisit. Asoskohe, hetimi u krye nga ish-Shërbimi për çështjet e Brendshme dhe Ankesat dhe Prokuroria Gjirokastër.
Operacioni për të cilin akuzohej Hide, nisi në datën 01.09.2021, ku ishin zbuluar disa plantacione droge me qindra bimë narkotike.
Më ndërhyrjen nga Tirana, u konstatua se disa kontrolle nga policia lokale ishin shmangur, ndërsa në rrugë informative mbërrinin të dhëna për bashkëpunim me policinë.
Pas detyrë si zyrtar policie, Hide mori mandatin e kryetarit të Bashkisë së Libohovës në zgjedhjet e 14 majit nën siglën e Partisë Socialiste.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
