Nga Gazeta ‘Si’- Një institucion tjetër që funksiononte në kuadër të sistemit paralel të Serbisë në pjesën veriore të Mitrovicës, është mbyllur.
Policia e Kosovës ka konfirmuar se bëhet fjalë për zyrën tatimore që funksiononte si Degë e Ministrisë së Financave të Serbisë, e cila është mbyllur deri në verifikim të fakteve.
“Rreth orës 9:00 kemi hyrë në këtë ndërtesë, e cila sipas informacioneve tona ka funksionuar si zyrë tatimore (si Degë e Ministrisë së Financave të Serbisë).
Në këtë vend kemi hasur në prova që e vërtetojnë dyshimin tonë dhe pas konsultimit me prokurorë, njerëzit që janë hasur aty janë larguar nga ai vend dhe ajo ndërtesë është mbyllur deri në verifikim të plotë të fakteve”, tha zëvendëskomandanti i Policisë së Kosovës për veriun, Veton Elshani.
Elshani konfirmoi gjithashtu se nuk ka të arrestuar nga ky rast dhe se rasti do të hetohet si “Falsifikim i dokumenteve.”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
