Nga Gazeta ‘Si’- Presidenti serb Aleksandar Vuçiç akuzoi kryeministrin e Kosovës, Albin Kurti, se po tenton “të eliminojë kundërshtarin e vetëm” në Kosovë, Listën Serbe.
“Kurti, me ndihmën e aleatëve të tij, synon të dëbojë popullin serb nga krahinat e jugut”, ka thënë Vuçiç përmes një postimi në llogarinë e tij në Instagram, pa ofruar më shumë hollësi, pas lajmit se KQZ nuk ka certifikuar partinë më të madhe të serbëve në Kosovë për zgjedhjet e 9 shkurtit.
Duke përmendur edhe sanksionet e pritshme amerikane kundër industrisë së tyre të naftës, Vuçiç tha se qëllimi i të gjithëve është rrëzimi i Serbisë, “por ne nuk do të ndalemi e nuk do të dorëzohemi”, pohoi ai.
Më vonë, i pari i shtetit serb njoftoi se ka biseduar edhe me ministrin e Jashtëm rus, Sergei Lavrov, për ato që i ka konsideruar shkelje të ligjit ndërkombëtar nga ana e Prishtinës, duke ia pamundësuar Listës Serbe pjesëmarrjen në zgjedhje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
