.png)
Gazeta Si- Gjykata e Tiranës caktoi masën e “arrestit në burg” për dy të rinjtë Klajdi Sejrani dhe Euxhenjo Manushi, të cilët u kapën pak ditë me parë me më shumë se 1 kilogramë kokainë në Tiranë.
Gjatë seancës ata mohuar të jenë shpërndarës të lëndëve narkotike, por deklaruan para gjykatës se drogën e kishin për përdorim vetjak.
Gjykata pasi dëgjoi pretendimet e Klajdi Serjanit dhe Euxhenjo Manushit, vendosi t’i lërë ata në burg duke rrëzuar kërkesën për një masë më të lehtë.
Hetimi ndaj tyre kishte nisur para 6 muajsh. Ata ishin në ndjekje të vazhdueshme dhe përgjoheshin nga policia. Operacioni për ndalimin e tyre u krye në afërsi të kthesës së Kamzës pas një ndjekje prej disa minutash. Përveç lëndës narkotike, policia ju sekuestroi një shumë parash dhe celularët.
Klajdi Serjani është i njohur edhe për lidhjet e tij familjare, pasi është nipi i Pajtim Serjanit, një personazh i njohur i lidhur me aktivitete të paligjshme dhe i dënuar më parë për gjobëvënie. Pajtim Serjani ka shpëtuar një atentat në vitin 2015 dhe është mik i njohur i Emiljano Shullazit.
Nga ana tjetër Euxhenjo Manushi është djali i muzikantit Adriano Manushi, i cili reklamon në rrjetet sociale fitimet nga dasmat shqiptare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
