Në mënyrë spektakolare, Beppe Grillo ka dashur të komentojë atë që po ndodh si në jetën politike të Italisë, ashtu edhe brenda Lëvizjes “5 Yjet”, partia që dikur qeverisi Italinë, e themeluesi i së cilës është ai.
Grillo mori një makinë funerali, u ul në sediljen e shoferit dhe filloi një udhëtim, duke deklaruar se “5 Yjet” ka vdekur.
“Kjo lëvizje ka vdekur, gjeni një simbol të ri, vazhdoni dhe marshoni si të doni. Nga 25% e votave nuk ka mbetur as gjysma”, tha Grillo.
Duke iu referuar kreut aktual të Lëvizjes “5 Yjet”, ish-kryeministrit Giuseppe Conte, Grillo shtoi: “Ai është si Magjistari i Ozit. Më akuzoi se kam vepruar si epror, ‘superior’”.
Brenda Lëvizjes “5 Yjet” prej javësh po zhvillohet një konflikt i madh, me konfrontim të hapur midis Grillos dhe Contes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
