Gazeta Si - Apeli i GJKKO ka shtuar dënimet për 7 persona përkatësisht zyrtarë policie dhe sekserë, të cilët merrnin ryshfet për të kthyer para afateve patentat e pezulluara.
Apeli ka dënuar me 2 vite e 8 muaj burg zyrtarin e policisë, Alkid Ndreu, nga 1 vit e 4 muaj burgim që ishte dënuar.
Me 2 vite burg është dënuar Elio Picoku dhe 1 vit e 4 muaj burg sekserin Kujtim Xhaja.
Për Revi Osmani 1 vit burg, Lidian Broshka 4 (katër) muaj burgim, i liruar nga amnistia. Evisjon Salku 60 orë pune publike, i liruar nga amnistia, pushohet çështja. Spiro Tore nga detyrim paraqitje Apeli e ka dënuar me 120 ore pune publike, Amarildo Lika 1 vit e 6 muaj burgim, lënie në fuqi, i shtohet vetëm 5 vite mosmbajtjen e posteve publike, Vilson Zelia 8 muaj me kusht, pushohet pasi është liruar nga amnistia dhe Enis Balla 8 muaj burg.
Gjykata e Posaçme e Apelit për Korrupsionin dhe Krimin e Organizuar, i akuzon për “Ushtrimi i ndikimit të paligjshëm ndaj personave që ushtrojnë funksione publike” dhe “Korrupsioni pasiv i personave që ushtrojnë funksione publike”.
Konkretisht, thuhet se ata akuzohen, pasi merrnin ryshfet për të kthyer para afateve patentat e pezulluara të drejtuesve të aitomjeteve. .
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
