.png)
I mituri Luis Meçe, i plagosur gjatë sherrit ku u vra me thikë Martin Cani në shkollën Fan Noli në Tiranë, ka dalë nga Spitali Universitar i Traumës, ku po kurohej.
Meçe doli ditën e sotme, pas kontrolleve të fundit mjekësore që konfirmuan stabilizimin e gjendjes së tij.
Sipas Policisë, gjendja e tij shëndetësore tashmë është e qëndrueshme dhe nuk paraqet rrezik për jetën. Ai do të vijojë rikuperimin në shtëpi.
Sipas mjekëve, adoleshenti iu nënshtrua ndërhyrjeve të nevojshme mjekësore menjëherë pas ngjarjes, të cilat kanë rezultuar të suksesshme.
“Gjendja e tij tashmë është e qëndrueshme dhe nuk paraqet rrezik për jetën. Pacienti do të vijojë rikuperimin në shtëpi, duke ndjekur këshillat dhe rekomandimet tona,” deklaroi ekipi mjekësor që ndoqi rastin.
Ngjarja e rëndë në shkollën “Fan Noli” ka nxitur diskutime të gjera mbi sigurinë në ambientet shkollore dhe masat që duhen marrë për të parandaluar incidente të tilla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
