.png)
FIFA prezantoi trofeun e ri të Botërorit për Klube 2025. I projektuar nga Konfederata Botërore e futbollit dhe e realizuar nga marka e famshme e bizhuve, “Tiffany & Co.”, kupa është e veshur me ar 24 karat dhe ka të gdhendura një hartë botërore dhe emrat e të gjitha Federatave që janë anëtare të FIFA-s.
Do t’i dorëzohet për herë të parë fituesve të edicionit të ri. Eventi nis në Shtetet e Bashkuara nga e diela e 15 qershorit dhe përfundon më 13 korrik të vitit 2025, me finalen në Nju Jork.
“Inovative, përfshirëse, revolucionare dhe realisht globale. Kjo është kupa e re e Botërorit për Klube. Aktiviteti që do të zhvillohet me 32 skuadra, meriton një trofe që i përfaqëson të gjitha këto cilësi”, tha presidenti i FIFA-s, Xhani Infantino. Trofeu i ri është i gjithi prej floriri dhe cilësohet si simbol i së ardhmes, i frymëzuar nga e kaluara. Kupa është frymëzuar nga anija kozmike Vojaxher e lëshuar në hapësirë nga NASA në vitet ’70.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
