.png)
Gazeta Si- Kuvendi ka shpallur listën me emrat e 10 kandidatëve që kanë shprehur interes për anëtar të Gjykatës Kushtetuese pas dorëheqjes dhe pozicionit të lënë vakant nga ish-anëtarja Elsa Toska.
Mes konkurrentëve, mësohet se janë edhe ish-anëtarë të Këshillit të Lartë të Prokurorisë, si dhe ish-anëtarë të Këshillit të Lartë Gjyqësor, por gjithashtu edhe anëtarë të komisionit të Vettingut.
Kandidatët janë: Alfred Balla; Eris Hysi; Gentian Zyberi; Irena Nino; Klodian Rado; Naureda Llagami; Nertila Sadedini; Nurihan Meta (Seiti); Roland Ilia; Sinan Tafaj.
Vakanca u krijua pasai Elsa Toska dha dorëheqjen më 19 shtator të këtij viti, për arsye personale. Me dorëheqjen e saj, Gjykata Kushtetuese mbeti me 8 anëtarë, nga 9 që ishte më parë.
Elsa Toska u votua nga Kuvendi si anëtare e Gjykatës Kushtetuese në nëntor të vitit 2019 me 105 vota pro dhe 2 kundër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
