.png)
Gazeta Si - Gjykata e Lartë ka vendosur mospranimin e kërkesës së ish-deputetit demokrat, Ervin Salianji për pezullim të ekzekutimit të dënimit të tij me 1 vit burg për "kallëzim të rremë" publik.
Vendimi është marrë nga trupa gjykuese që kryesohet nga Sokol Binaj dhe antarë, Ilir Panda dhe Sandër Simoni.
"Mospranimin e kërkesës së paraqitur nga kërkuesi Ervin Salianji, për Pezullimin e vendimit nr. 2900 datë 18.12.2019, të Gjykatës së Rrethit Gjyqesor Tiranë, lënë në fuqi me vendimin nr. 30-2024-6822, datë 26.09.2024 të Gjykatës së Apelit të Juridiksionit të Përgjithshëm, Tiranë", - njofton Gjykata e Lartë.
Salianji ndodhet në burgun e Fierit prej 27 shtatorit, pasi akuzohet për “kallëzim të rremë publik” në lidhje me çështjen “Babale”, pasi Gjykata e Apelit la në fuqi vendimin e Shkallës së Parë për dënimin e tij me 1 vit burg.
Arrestimi i tij u pasua me një sërë reagimesh politike të opozitës, të cilët e cilësuan si vendimmarrje politike me urdhër të kryeministrit Rama. Opozita nisi me mosbindjen civile që në seancën plenare e kulmoi me protestën e 7 tetorit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
