.png)
Nga Gazeta ‘Si’ - Kryeministri i Kosovës Albin Kurti ka sqaruar sot se masat e marra në lidhje me mallrat serbe, të cilat u anuluan dy ditë më parë, nuk ishin masa tregtare, por masa sigurie.
Ai përmendi faktin që Serbia katër herë ka dërguar pranë kufirit me Kosovën ushtrinë dhe aksionet në Veri ku u konfiskuan një sërë armatimesh.
“Kosova nuk ka masa tregtare ndaj Serbisë. Kosova ka masa të sigurisë për shkak se për dy vjet na e ka sjellë katër herë ushtrinë afër kufirit dhe për shkak se kemi konfiskuar katër herë sasi të jashtëzakonshme, enorme të armatimit, në ndërkohë që grupi terrorist i Milan Radoiçiç mbetet i lirë në Serbi”, ka thënë ai.
Ai ka theksuar se Qeveria e Kosovës në bashkëpunim me Doganën e Kosovës ka tentuar të blejnë skanerë, por kanë marrë premtimin për donacion nga BE-ja dhe SHBA-ja. Ai tha se ende nuk e di se kur do t’i marrë Kosova skanerët.
“Nuk e di se kur do të jetë, por deri atëherë duhet ta bëjmë atë kontroll manual, i cili nuk është i mirë për doganierët tanë, por është i nevojshëm”, ka theksuar kryeministri i Kosovës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
