.png)
Gazeta Si - Gjykata e Apelit ka reaguar në lidhje me vendimin e marrë një ditë më parë (e enjte, 26 shtator) për deputetin e PD-së, Ervin Salianji, ku u la në fuqi vendimi i Shkallës së Parë, për dënimin me 1 vit burg për kallëzim të rremë.
Në një njoftim këtë të premte, Gjykata e Apelit bën me dije se vendimi për Salianjin është marrë në unanimitet të plotë.
Më tej, në dokument thuhet se kundër vendimit lejohet rekurs në Gjykatën e Lartë brenda 45 ditëve.
“Nisur nga disa kërkesa lidhur me vendimin e djeshëm (çështja ndaj të pandehurve Ervin Salianji, etj), ju njoftojmë se vendimi është marrë në unanimitet”, thuhet në sqarim për mediat. Trupa gjyqësore që mori vendimin ishte e përbërë nga Genti Shala, Elona Tora dhe Iliba Bezati.
Vendimi për Salianjin ka qenë 3 me 0 pra të tre gjyqtarët kanë vendosur lënien në fuqi të vendimit të shkallës së parë.
Salianji, pas këtij vendimi humbet mandatin e deputetit dhe referuar ligjit të dekriminalizimit nuk e ka më të drejtën të kandidojë për zgjedhjet e ardhshme parlamentare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
