.png)
Nga Gazeta 'Si'- Presidenti serb Aleksandar Vuçiç priti sot shefin e Delegacionit të BE-së në Serbi, Emanuele Giofre, me të cilin bisedoi për situatën në Kosovë dhe i bëri thirrje BE-së dhe shteteve anëtare të saj që 'urgjentisht të kundërshtojnë arbitraritetin e Prishtinës.'
“Kam biseduar me ambasadorin Giofre për situatën në Kosovë dhe Metohi, marrëdhëniet ndërmjet Serbisë dhe BE-së, si dhe hapat që po ndërmarrim për të avancuar në rrugën tonë evropiane. I kam bërë thirrje BE-së dhe vendeve anëtare që urgjentisht dhe përmes angazhimit konkret të kundërshtojnë arbitraritetin e Prishtinës, i cili kërcënon sigurinë e popullit serb dhe stabilitetin e gjithë rajonit”, ka shkruar Vuçiç në llogarinë e tij në Instagram.
Ai tha se falënderoi ambasadorin për gjithçka që bën BE-ja, veçanërisht në fushën e investimeve, integrimit ekonomik dhe social dhe mbështetjen për reformat tona.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
